FOTO+VIDEO/ Akuzohet se hodhi kapsollën kundër efektives, ja vendim i Gjykatës për Daniel Drobajn

Gjykata e Tiranës ka dhënë masën e sigurisë “burg pa afat”, për 18-vjeçarin Daniel Drobaj.

18-vjeçari akuzohet se hodhi kapsollën e cila i dëmtoi rëndë gishtat efektives së “Shqiponjave” Ina Nuka gjatë protestës e cila degjeneroi në dhunë para Kuvendit ditën e enjte.

Drobaj u arrestua nga policia mbrëmjen e të premtes rreth 24 orë pas shpalljes në kërkim.

***

Akuzohet se hodhi kapsollën kundër efektives, Daniel Drobaj shfaqet me dorë të thyer në Gjykatë

Daniel Drobaj, 18-vjeçari që akuzohet  se ka plagosur efektive Ina Nuka, ka dal sot para Gjykatës së Tiranës për tu njohur me masën e sigurisë.

Ne seancën që ka nisur pak më parë, Drobaj ka treguar nga kafazi i qelqtë dorën e fashuar, që duket se e ka të thyer.

Në ngarkim të këtij shtetasi do të referohen materialet pranë Prokurorisë së Rrethit Gjyqësor Tiranë për veprat penale “Plagosje e rëndë me dashje”,  “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës”.