Agron Shehaj i vërsulet Ramës: Lëri shkallët e stadiumit, po shiko jetët e njerëzve

Ish-deputeti i Partisë Demokratike, Agron Shehaj thekson se kryeministri Edi Rama duhet të lërë mënjanë shqetësimin për shkatërrimin e shkallëve të stadiumit ‘Air Albania’ po të shikojë jetët e njerëzve se po rrezikohen seriozisht nga koronavirusi.

Në një postim në rrjetin e tij social, Facebook, Shehaj shkruan se qeveria duhet të rrisë kontrollin ndaj atyre që hyjnë në Shqipëri.

Reagimi i Shehajt: Qeveria duhet ta marrë masa urgjente për parandalimin e përhapjes së Koronavirusit në Shqipëri. Më së paku, ajo duhet të vendosë kontrollin e detyrueshëm të temperaturës për të gjithë ata që hyjnë në Shqipëri, sikurse bëhet në shumë aeroporte dhe porte të botës. Është një masë minimale e domosdoshme. Lëreni propagandën se jetët e njerëzve janë më të rëndësishme se karriget e stadiumit me kullë. Ne jemi vend shumë i papërgatitur për fatkeqësi natyrore dhe epidemi, kemi shumë më pak burime dhe infrastrukturë të varfër shëndetësore, ndaj duhet të tregohemi shumë më të kujdesshëm se të gjithë për të parandaluar.