Aksident fatal te Ura e Çerkezës, humb jetën 42-vjeçari

Një aksident i rëndë me pasojë humbjen e jetës është regjistruar pasditen e kësaj të diele në Tiranë, në zonën e njohur si Ura e Çerkezës.

Sipas të dhënave paraprake, ngjarja ka ndodhur rreth orës 16:45, kur dy automjete janë përplasur me njëra-tjetrën. Njëri prej mjeteve drejtohej nga një shtetase me inicialet A. P., ndërsa automjeti tjetër nga shtetasi Q. T., rreth 42 vjeç.

Si pasojë e përplasjes së fortë, 42-vjeçari ka ndërruar jetë, duke mos arritur t’u mbijetojë plagëve të marra. Ndërkohë, drejtuesja e mjetit tjetër është shoqëruar në komisariat, ku po kryhen veprimet procedurale për zbardhjen e plotë të rrethanave të aksidentit.

Në vendin e ngjarjes kanë mbërritur menjëherë shërbimet e policisë dhe grupi hetimor, të cilët po punojnë për të përcaktuar shkaqet dhe dinamikën e përplasjes tragjike.

Tiranë/Informacion paraprak

Rreth orës 16:45, tek Ura e Çerkezës, automjeti me drejtues shtetasen A. P., është përplasur me automjetin me drejtues Q. T., rreth 42 vjeç.

Si pasojë e aksidentit ka humbur jetën shtetasi Q. T, ndersa drejtuesja shtetasja A. P është shoqëruar në Komisariat, për veprime të metejshme.

Grupi hetimor ndodhet në vendngjarje dhe po punon për zbardhjen e rrethanave të aksidentit.