Transportohet me helikopter te Trauma në Tiranë

Një aksident i rëndë në vendin e punës është regjistruar ditën e sotme në Gjirokastër, ku një punonjës i shërbimeve publike ka rënë nga lartësia e një godine private, duke pësuar dëmtime të rënda.

Sipas informacioneve paraprake, shtetasi me inicialet D.K., pjesë e shërbimeve publike, ka qenë duke punuar së bashku me kolegët për pastrimin e një ndërtese private. Gjatë procesit të punës, dyshohet se ai ka humbur ekuilibrin dhe ka rënë nga lartësia e katit të tretë të godinës.

Si pasojë e rënies, punonjësi ka marrë dëmtime të rënda dhe ndodhet në gjendje kritike për jetën. Menjëherë pas ngjarjes është ndërhyrë për transportimin urgjent me helikopter drejt Spitali i Traumës në Tiranë, ku po merr trajtim të specializuar mjekësor.

Autoritetet pritet të dalin me një reagim zyrtar për të sqaruar rrethanat e plota të aksidentit, ndërsa po punohet për zbardhjen e shkaqeve të ngjarjes.