Aksident me humbje jete në Fushë Krujë

Një aksident me pasojë vdekjen është regjistruar mbrëmjen e sotme në aksin rrugor Tapizë–Fushë Krujë.

Ngjarja ka ndodhur rreth orës 18:45, kur një automjet që drejtohej nga shtetasi K. M., rreth 19 vjeç, ka përplasur një këmbësor, shtetasin N. Z., rreth 62 vjeç. Si pasojë e plagëve të marra, këmbësori ka ndërruar jetë.

Drejtuesi i mjetit është shoqëruar në ambientet e Komisariatit të Policisë për kryerjen e veprimeve të mëtejshme procedurale.

Ndërkohë, grupi hetimor ndodhet në vendin e ngjarjes dhe po punon për të zbardhur shkaqet dhe rrethanat e aksidentit.