Aksident në aksin Pogradec-Korçë/ Bllokohet Qafë Plloça, mjetet po kalojnë në rrugë dytësore

Një aksident ka ndodhur në aksin Pogradec-Korçë, e si pasojë është bllokuar Qafë Plloça.

Është bërë e ditur se aksi rrugor është i bllokuar prej orës 03.00 të mëngjesit dhe shkak është bërë aksidentimi i një trajneri.

Gjithashtu është njoftuar se mjetet po kalojnë në rrugë dytësore, e cila është e dëmtuar.

Në rrugën dytësore, shumë mjete e kanë të vështirë për t’u shkëmbyer prej ngushtësisë. Ndërkohë policia ndodhet në vendin e ngjarjes dhe po bën devijimin, por si pasojë e vargut të gjatë të makinave në rrugën dytësore, e pamundur që të kthehen dhe mbrapsht.