Aksident tragjik, humb jetën vëllai i Gjestit

Një aksident i rëndë ka ndodhur në fshatin Qungur të Pejës, ku një person ka humbur jetën dhe një tjetër është lënduar rëndë.

Zëdhënësi i policisë, Fadil Gashi, ka konfirmuar se aksidenti përfshinte një veturë dhe një katërçikletë. Viktima, identifikuar si Eldion Kelmendi, vëllai i reperit të njohur Gjesti, ka ndërruar jetë në vendngjarje. I lënduari tjetër është dërguar për trajtim në emergjencën e Pejës.

“Rreth orës 14:00 policia është njoftuar për një aksident në Qungur të Pejës. Në aksident ishin të përfshira një veturë dhe një katërçikletë. Policia ka dalë në vendin e ngjarjes bashkë me autoambulancë, ku mjeku ka konstatuar vdekjen e një personi. Një tjetër ka pësuar lëndime dhe është dërguar për trajtim në emergjencën e Pejës”, u shpreh Gashi.