E martë, 17 nëntor 2026 DENONCO ANONIM Denonco: +355 69 20 95 843
PUBLIK PUBLIK
Aksidenti fatal i mori jetën, mbahen sot homazhet për Shefin e Krimeve, Ermal Lulaj
Lajme

Aksidenti fatal i mori jetën, mbahen sot homazhet për Shefin e Krimeve, Ermal Lulaj

Homazhet në nderim të efektivit të Policisë së Shtetit, Ermal Lulaj, i cili humbi jetën në aksidentin tragjik të ndodhur pasditen e së hënës në aksin Fier-Vlorë, do të zhvillohen ditën e sotme në qytetin e Fierit.

Ceremonia përkujtimore do të mbahet nga ora 11:00 deri në 12:00, në ambientet e Drejtorisë Vendore të Policisë Fier, ku kolegë, familjarë dhe të afërm do të kenë mundësinë të nderojnë për herë të fundit kujtimin e 41-vjeçarit.

Ermal Lulaj ushtronte detyrën e Shefit të Krimeve në Drejtorinë Vendore të Policisë Vlorë. Ai humbi jetën pas një përplasjeje të rëndë rrugore, e cila ndodhi rreth orës 18:00, teksa udhëtonte me automjetin e tij tip “Toyota” në drejtim të Vlorës.

Sipas të dhënave paraprake, dyshohet se kushtet e vështira atmosferike dhe humbja e kontrollit mbi automjetin kanë çuar në përplasjen me një mjet të rëndë tip skrep, që drejtohej nga 63-vjeçari Thanas Poçaj.

Goditja rezultoi fatale për efektivin 41-vjeçar, i cili ndërroi jetë në vendin e aksidentit. Ndërkohë, drejtuesi i skrepit mbeti i plagosur dhe u transportua në spital për të marrë ndihmën e nevojshme mjekësore.

Ndërkohë, grupi hetimor, nën drejtimin e Prokurorisë, po vijon punën për të zbardhur plotësisht dinamikën e ngjarjes dhe për të përcaktuar shkaqet që çuan në këtë aksident tragjik.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.