Aksidenti/ Ish-kryebashkiaku i Himarës njihet sot me masën e sigurisë!

Ka mbërritur sot në Gjykatën e Vlorës, ish-kryebashkiaku i Himarës, Vasil Bollano, i cili dy ditë më parë aksidentoi për vdekje një 17-vjeçar. Bollano do të njihet me masën e sigurisë.

Ai qëndronte në spital per shkak te gjendjes së rënduar shëndetësore, ndërsa me pranga ne duar dhe i shoqëruar nga policia Bollano iu drejtua gjykatës.

Ish-kryebashkiaku aksidentoi ditën e mërkurë, duke drejtuar automjetin e tij në aksin rrugor Orikum-Llogara, shtetasin Elio Hamiti, 17 vjeç, banues në Dukat, i cili lëvizte në këmbë.

Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë.

Njoftimi i policise nje dite me pare

Specialistët e Qarkullimit Rrugor arrestuan në flagrancë shtetasin V. B., 66 vjeç, banues në Himarë.

Ky shtetas, ditën e djeshme, rreth orës 17:00, duke drejtuar automjetin, në aksin rrugor Orikum-Llogara, në afërsi të fushës së sportit, ka aksidentuar shtetasin E. H., 17 vjeç, banues në Dukat, i cili lëvizte në këmbë.

Si pasojë e dëmtimeve të marra 17-vjeçari ka ndërruar jetë në Spitalin e Traumës, Tiranë.

Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Shkelja e rregullave të qarkullimit rrugor”, me pasojë vdekjen.