Akuzat për shpërdorim detyre dhe pastrim parash, Rektori i Universitetit të Kamzës sot në Prokurori

Prokuroria e Tiranës ka marrë dëshminë e rektorit të Universitetit të Kamzës, Bahri Musabelliu, i cili është duke u hetuar për shpërdorim detyre për lëvrimin e një fondi.

Hetimi ndaj tij ka nisur pas dyshimeve se ka përfituar fondet publike përmes praktikave korruptive të ndjekura në disa tenderime.

Konkretisht, bëhet fjalë për rikonstruksionin e murit rrethues dhe të një porte të universitetit, për të cilat ishte lëvruar një fond prej 640 mijë Dollarësh, një pjesë e të cilave dyshohet se janë përvetësuar nga rektori përmes personave të tretë.