Alis me “Nan” drithëron Eurovision-in, ja si të votoni për Shqipërinë

Përditësuar më 17 May 2026, 01:09

Finalja e madhe e Eurovision 2026 zhvillohet këtë mbrëmje në arenën Wiener Stadthalle në Vienë, ku 25 shtete konkurrojnë për trofeun e shumëpritur.

Shqipëria ngjitet në këtë skenë prestigjioze me përfaqësuesin e saj, Alis Kallaçi, i cili ka sjellë një performancë të fuqishme dhe emocionale me këngën “Nan”, duke elektrizuar publikun që në momentet e para. Ai performoi i pesti në radhë, një pozicion që shpesh konsiderohet sfidues, por që artisti shqiptar e ka përballuar me siguri dhe prezencë skenike.

Atmosfera në sallë dhe interesimi i publikut janë në kulm, ndërsa gara pritet të jetë e fortë deri në momentin e fundit.

Si funksionon votimi

Organizatorët kanë bërë të ditur se votimi është i hapur gjatë gjithë kohës së performancave dhe qëndron aktiv edhe për 40 minuta pas përfundimit të këngës së fundit.

Çdo person ka mundësinë të votojë deri në 10 herë, ndërsa në votim marrin pjesë jo vetëm shtetet finaliste, por edhe ato që nuk arritën të kualifikohen, si dhe publiku nga e gjithë bota.

Mënyrat për të votuar Shqipërinë

• SMS (Diaspora): Dërgoni kodin 05 në numrin përkatës të shtetit ku ndodheni (si Gjermani, Zvicër, Itali, Francë, Greqi, Belgjikë, etj.).
• Online: Për publikun në Mbretërinë e Bashkuar, Australi dhe pjesën tjetër të botës, votimi kryhet përmes platformës zyrtare:

Voto për Shqipërinë në Eurovision