Andi Bejtja: Opozita ka një shans, bashkë me Aleancën të mos lejojnë teatrin e ri

“Opozita natën duhej të mbronte teatrin dhe ditën duhej të fliste për ekonominë. Opozita nuk e ka humbur shansin. Bashkë me aleancën duhet të qëndrojnë tek teatri, të mos lejojnë ndërtimin e teatrit të ri”, tha Bejtja në emisionin Opinion.

Në vijim të argumentit të tij, Bejtja tha se ka qenë i mendimit që teatri duhej të kthehej në një plate për opozitën dhe veprimtarinë e saj.

“Opozita teatrin ta hapte në plate, të hapte partinë, të fuste figura të reja, të anëtarësonte figura të reja. Nëse mund të kem një zhgënjim me opozitën, këtë regjim nuk e krahasoj as me Enver Hoxhën, sepse nëse Hoxha prishte për ideologji, këta i prishën për lekë”, tha analisti.