Arrest me burg’ për shoferin e ambulancës: Po nxitoja për në spital, isha me 75 km/h

Rreth orës 10:30,të datës 15 gusht 2020 në aksin nacional Kakavije – Gjirokastër, në afërsi të kthesës së Bularatit, një autoambulancë me drejtues shtetasin Admir Golemi, që po transportonte një shtetase të sëmurë  për në spitalin rajonal Gjirokastër, ka përplasur vogëlushin S. N., 10 vjeç, banues në Lezhë, i cili ka humbur jetën.

Tashmë shoferi ndodhet në ‘arrest me burg’ dhe pretendon se ishte me 75km/h ndërsa sipas tij vogëlushi i preu rrugën teksa ai nxitonte për në spital.

Mbetet për t’u parë se çfarë do nxjerrin deri në fund hetimet për ngjarjen e rëndë.