Arrestohet Marcello Pittella, vëllai i deputetit të PE-së, akuza për shpërdorim detyre e nepotizëm

Guvernatori i rajonit të Bazilikatës në Itali, Marcello Pittella, anëtar i Partisë Demokratike (PD), u la në arrest shtëpiak të premten ne mengjes, pas arrestimit për dyshimet e perfshirjes se tij ne raste korrupsioni në sistemin shëndetësor të rajonit jugor, thanë burimet e Ansa.

“Ky është një tërmet i vërtetë që goditi rajonin e Bazilikatit”, shkruan “Repubblica”.

Pittella ndodhet mes 30 personave të tjere edhe per te cilet gjykata ka vendosur masa ndalimi, pas nje hetimi te gjate, shtuan burimet.

Basilicata, politica, Marcello Pittella

Njerëzit e afert prane guvernatorit konfirmuan se ai është nën arrest shtëpiak dhe ndodhet në banesen e tij në Lauria, pranë Potenzës.

Ata e kane përshkruar përfshirjen e tij në këtë hetim si “surreal”. Pittella është akuzuar për shpërdorim detyre dhe se ka bërë deklarime të rreme, thanë burimet.

Pitella është vëllai i deputetit të PE-së, Gianni Pittella.

Provat e mbledhura deri tani kunder guvernatorit, shkruajne mediat italiane, kane të bëjnë me pretendimet për manipulimin e gares për kontratat publike dhe nepotizmit në sektorin shëndetësor rajonal.

Hetimi filloi një vit e gjysmë më parë pas një denoncimi nga një punonjës për kompaninë e kontraktorit të shërbimit që nuk kishte marrë pjesën e tij të parave të lënë mënjanë për paketën e TFR.

Në javët e fundit, dega rajonale e Partise Demokratike te Lucanos kishte mandatuar Pittella, vëllanë e senatorit Gianni, për të kandiduar për një mandat të dytë në zgjedhjet për parlamentin rajonal, të programuara në fillim të vitit të ardhshëm.