Arsenali nuk di të ndalet, ngjitet në krye të Premier League

Arsenali nuk po di të ndalet në këtë sezon të Premier League. Ekipi londinez është rikthyer te fitorja dhe te kreu pas triumfit të sotëm 0-3 në transfertë me Brentfordin.

Skuadra e Mikel Artetës dominoi takimin nga fillimi në fund, duke gjetur dy gola në pjesën e parë dhe një në të dytën. Kujtojmë që te skuadra e Brendford bën pjesë dhe Tomas Strakosha, i cili u la sërish në stol nga trajneri.

Me fitoren e sotme, Arsenali ngjitet sërish në vendin e parë në Premier Ligë, me 18 pikë, një më shumë se Mançester Siti dhe Totenhemi, duke treguar qartazi se këtë vit janë pretendentë seriozë për fitimin e titullit kampion.