Aktori Artan Imami ka debatuar ashpër mbrëmjen e sotme me regjisorin Edmond Budina, duke bërë që ky i fundit të braktiste emisionin.
Teksa regjisori Budina fliste për Teatrin, ka ndërhyrë aktori Imami i cili i ka thënë Budinës se ai kishte 2 vite e gjysmë që e kishte bllokuar Teatrin. “Mondi pse u bëre ti 2 vite e gjysmë pronar i atij teatri me dhunë”, i tha Imami regjisorit Budina, ndërsa ky i fundit fillimisht nuk e njohu por kur aktori i tha emrin, Edmond Budina refuzoi të fliste dhe e quajti pjesëmarrës në krimin e shembjes së godinës së TK.
Debati kaloi në akuza të ndërsjellta mes dy artistëve ç’ka solli dhe braktisjen e emisionin nga Edmond Budina. Pavarësisht ndërhyrjeve të moderatores Eni Vasili, regjisori Budina u largua.
DEBATI I PLOTË:
Imami: Mondi pse u bëre ti dy vite e gjysmë vite pronar i atij teatri me dhunë
Budina: Më fal kush jeni ju
Imami: Unë jam Tan Imami
Budina: Unë i dashur Artan nuk dua të flas me juve në këtë rast. Ju jeni pjesëmarrës në krim. Jeni te ata që nuk ngritën zërin kur policia ndërhyri
Imami: Ti gënjen mor burrë
Budina: Jo gënjen ti Artan.
Imami: Kur të thash do vi të marrë 2-3 këmisha, me the hajde hajde se ta tregojmë ne
Budina: Nuk flas me kriminelë. Do ta ndaloni atë apo të iki
Imami: Po fole boll.
Budina: Të lutem Eni do ta ndërpresësh atë
Imami: Të dëgjova në miting, kam 2 vite
Budina: Unë po iki, natën e mirë. Ik te partia merr ndonjë tender.
Imami: Kjo është e tmerrshme. Këta më kanë ndaluar mua të marrë gjërat e mia. Gjerat personale. Ky njeri i cili karakterin e ka kaq elastik
Eni Vasili: Jo ju lutem, ju lutem
Imami: Po çdomethënë kjo, le të flasi dhe ai për mua
Eni Vasili: Jo nuk mund të flisni kur ai nuk është këtu.
