Autobusi përplaset me makinën tek Rruga e Kombit, vdes drejtuesi i mjetit

Një aksident i rëndë ka ndodhur pak minuta më parë në rrugën e Kombit.

Një person ka humbur jetën si pasojë e një aksidenti të rëndë në aksin rrugor Rubik-Rrëshen, ku u përfshi një mjet tip Land Rover dhe një mikrobus.

Njoftimi

Mirditë/Informacion paraprak:

Rreth orës 17:22, në aksin rrugor Rubik-Rreshen ,mjeti autobus është përplasur me mjetin tip “Land Rover” me targa italiane, ku si pasojë ka gjetur vdekjen drejtuesi i mjetit ende i paidentifikuar.

Drejtuesi i mjetit autobus po shoqërohet në Komisariatin e Policisë Mirditë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes .