Banorët e Durrësit debat të ashpër me Ramën: Pse na e ngre zërin?

Videoja e publikuar nga mbledhja mes kryeministrit Edi Rama dhe banorëve të prekur nga projekti urban në Durrës nxjerr në pah momentet e tensionit dhe përplasjet e drejtpërdrejta gjatë diskutimeve.

Personi që dëgjohet duke iu drejtuar me tone të ashpra kryeministrit në video është biznesmeni Fatmir Zota. Ai i drejtohet Ramës:
“Pse na e ngre zërin këtu ti? Për çfarë ke ardhur këtu? Po ashtu ik!”, duke e ndërprerë disa herë gjatë debatit.

Pamjet tregojnë një atmosferë të tensionuar brenda mbledhjes me banorët e prekur nga projekti, ku Rama këmbëngul se projekti do të vijojë, ndërsa qytetarët kërkojnë garanci dhe vlerësim më të drejtë për shpronësimet. Videoja është bërë virale në rrjet, duke pasqyruar përplasjet e forta gjatë takimit.