Basha apel për t’u ardhur në ndihmë banorëve të Luginës së Preshevës

Kreu i opozitës, Lulzim Basha me anë të një mesazhi në Twitter kërkon që të ofrohet asistencë për Luginën e Preshevës.

Basha shmangur debatin politik ditën e sotme, por e ka fokusuar aksionin e tij tek apeli për të ndihmuar vëllezërit dhe motrat në Luginën e Preshevës. Sipas tij, ndihma e qeverisë shqiptare është detyrim kombëtar dhe kushtetues.

“Lugina e Preshevës po përballet me pasojat e COVID-19. Për situatën e veçantë ku ndodhen, i bëj thirrje qeverisë të ofrojë asistencë shëndetësore përmes personelit mjekësor. Ndihma për vëllezërit dhe motrat tona atje, është detyrim kombëtar dhe kushtetues”, thekson Basha.