Basha i nxjerr videon: Njësoj si Veliera e Dakos së tij, shikoni si mashtron haptas

Lideri i opozitës, Lulzim Basha, ka publikuar në rrjetet sociale një tjetër video këtë të enjte, në të cilën tregon sic thotë ai, gënjeshtrën e kryeministrit Rama për të grabitur truallin e teatrit.

Në video, jepet deklarata e 30 korrikut të këtij viti në konferencë me gazetarët e kryeministrit Rama, i cili thotë “Asnjë cm i truallit nuk do të përdoret për zhvillim privat. Zhvillimi privat vjen pas murit rrethues të Teatrit”.

Por kjo deklaratë sipas Bashës është e pavërtetë dhe për ta mbështetur këtë, në video tregohet harta që parashikon ngritjen e 3 kullave në territorin e Teatrit Kombëtar që i takon në pronësi sipas Hipotekës.

“Hajduti psiqik ka marrë dhjetëra miliona euro nga klanet e drogës për të ndërtuar 6 kullat 200 milionë euro. Njësoj si Veliera e Dakos së tij, kjo është grabitje dhe vjedhje e pastër. Shikoni si mashtron haptas hajduti psiqik”, shkruan Basha duke komentuar videon: