Basha i prerë: Nuk i përgjigjem retorikës politike të Ramës edhe pse ai e sulmon opozitën

Në një lidhje direkte me emisionin Tempora, Basha tha se Presidenti e ka njoftuar për mbledhjen e nesërme, dhe sipas tij ky është një hap i rëndësishëm pasi Meta fton për herë të dytë kreun e opozitës në Këshill. “Sot Presidenti më ka njoftuar se do të thërrasë nesër Këshillin e Sigurisë Kombëtare. Presidenti për herë të dytë po fton dhe kryetarin e opozitës në tryezë”, tha Basha.

Ndërkohë, i pyetur për ftesën e Ramës ndaj opozitës për të bashkëpunuar për përballimin e situatës së shkaktuar nga covid-19, Basha e refuzoi atë. “Përgjigja ime është se unë s’do angazhohem në retorikë politike. Sa i përket retorikës politike, atë që kam bërë prej pesë javësh, duke mos u bërë pjesë e retorikës politike, do ta bëj derisa qytetarët të kalojnë këtë situatë. Këtë ja kam thënë dhe kryeministrit”, shtoi kreu i PD.

Më tej, kreu i PD i bëri thirrje Ramës që të gjithë vëmendjen dhe energjinë e tij ta fokusojë për të mbrojtur jetën, shëndetin dhe ekonomikë e shqiptarëve.

“Gjithë vëmendjen dhe energjinë e tij ta fokusoj të puna për të mbrojtur jetën, shëndetin dhe ekonominë e shqiptarëve. Dhe këtu opozita do të japë gjithë kontributin e saj. Natyrisht këtu do të ndihmonte nëse propozimet e opozitës do të zbatoheshin ashtu sië na është prentuar në Këshillin e Sigurisë Kombëtare”, përmbylli kryedemokrati Lulzim Basha.

Kujtojmë se më herët, Presidenti Meta ka ftuar në mbledhjen e Këshillit të Sigurisë Kombëtare veç aktorëve të tjerë si kryeministri e ministrat dhe kreun e PD Lulzim Basha. Ky është takimi i dytë ku Basha do të marrë sërish pjesë me ftesë të Metës, ndërsa pritet të mësohet nëse kryeministri Rama do ta pranojë ftesën.