Kreu i PD Lulzim Basha thotë se qeveria e kryeministrit Rama nuk ka kohë dhe para për qytetarët dhe bizneset, pasi sipas tij merret me politikë dhe Instagram gjithë ditën.
“Kanë pritur që qeveria t’i ndihmojë por Edi Rama s’ka kohë/para për ta. Ne do ta ndryshojmë këtë gjendje. Ne do të kujdesemi për biznesin, të vetëpunësuarit, të gjithë qytetarët dhe do të japim ndihmë financiare për çdo qytetar. Ne do të sjellim shpresë për Shqipërinë”, shkruan Basha, teksa shpërndan videon e një sipërmarrësi që thotë se edhe pse nuk ka pasur punë, taksat i ka paguar.
Sipas Bashës, qeveria e re e PD do ta ndryshojë këtë gjendje dhe do të sjellë shpresë për të gjithë.
“Qytetarët shqiptarë kanë nevojë për një qeveri që punon për ta. Për familjet tuaja. Një qeveri që nuk e kalon gjithë kohën me politikë, por duke i dhënë ndihmë financiare çdo familje. Një qeveri që nuk merret me Instagramin gjithë ditën, por me mposhtjen e pandemisë. Një qeveri që do të sjellë shpresë të re për të gjithë”, vijon kreu i PD.
