Basha reagon sërish për masat kundër Covid-19: Rama nuk e ka zbatuar planin e propozuar, Shqipëria e fundit në çdo fushë

Kryetari i Partisë Demokratike Lulzim Basha ka reaguar sërish për masat e marra për pandeminë e koronavirusit.

Përmes një postimi në rrjetet sociale, Basha shkruan se Shqipëria është e fundit në çdo fushë dhe ndihma ekonomike është më e ulëta.

“Shumë pak, shumë vonë. Ka mbi 6 muaj që kemi propozuar plan masash për të përballuar pandeminë. Fatkeqësisht Rama nuk e ka zbatuar. Sot e kësaj dite, Shqipëria është e fundit në çdo fushë. Ndihma ekonomike për është më e ulëta. Shëndetësia është në kolaps. Ekonomia në krizë. Shqipëria ka nevojë për shpresë të re. Vendi ka nevojë për një qeveri që kujdeset për qytetarët e tij dhe fuqizon ekonominë. Ne jemi të vetmit që mund ta bëjmë këtë! Është koha që Shqipëria të ketë një qeveri që punon për njerëzit”, shkruan Basha.