Batutat në Konferencën me Blinken: Ne darkën e kishim gati, por ju zgjodhët ushqimin jo aq të shijshëm gjerman

Kryeministri Edi Rama ka shkëmbyer batuta me Sekretarin amerikan të Shtetit, Antony Blinken gjatë konferencës së përbashkët.

Rama tha se ndihet i keqardhur që mes darkës në Shqipëri dhe asaj në Mynih, Blinken zgjodhi ushqimin sipas Ramës “jo fort të shijshëm” të Gjermanisë.

“Fakti që gjetët kohë dhe e patë të nevojshme të ndaleni në Tiranë është për ne një shenjë shumë e rëndësishme e miqësisë por edhe e vlerësimit që i bëni kësaj miqësie këtij partneriteti dhe këtij rajoni. Nuk mund të mos e ndaj me publikun ku mes një darke në Shqipëri dhe në Mynih ju zgjodhët ushqimin jo dhe aq të shijshëm gjerman por ne tonën e bëmë, ushqimin e kemi gati”, tha Rama.