“Benzi” del nga rruga dhe përplaset me bordurën, ndërron jetë i riu (EMRI)

Një aksident i rëndë është regjistruar në aksin Laç-Mamurras, në fshatin Zheji rreth orës  16:15.

Si pasojë e daljes nga rruga të një mjeti tip “Benz”, i cili është përplasur më pas me bordurën e rrugës ka ndërruar jetë i riu Florjan Tafa, 24-vjeç, banues në Bushnesh, Krujë.

“Rreth orës 16:15, në aksin rrugor Laç-Mamurras, në fshatin Zheji, Kurbin mjeti tip “Benz” ka dalë nga rruga , ku për pasojë ka humbur jetën drejtuesi i mjetit shtetasi F.S.,24 vjeç, banues në Bushnesh, Krujë”, njofton policia.

Ende nuk janë bërë të ditura shkaqet e aksidentit, por policia ka shkuar në vendin e ngjarjes dhe është duke punuar për zbardhjen e plotë të saj.