“Edvin, ti me moshë ngjan me gjyshin e Gramoz Ruçit”- Unë i kam të gjitha vitet bio! Jam politikani më i pastër

Berisha gjithashtu tha se kryeministri Edi Rama me moshë ngjan njësoj si gjyshi i Gramoz Ruçit.

Ai tha gjithashtu se Partia Demokratike njësoj siç sipas tij përmbysi diktaturën komuniste dhe transformoi Shqipërinë, tani do të punojë për ndërtimin e Shqipërisë Madhështore.

“Edi Rama i qan hallin Sali Berishës për hallin e tij. Tani i them këtu ‘Edvin, Edvin, vitet e Sali Berishës janë të gjitha vite bio. Vettingu që i bëre me lakenjtë e tu, treguan se Sali Berisha del sot para shqiptarëve si politikani më i pastër që ka njohur Shqipëria dhe më gjerë. Edvin, me atë vetting për të cilin nuk e nise për si e nise, do të them se nder më bëre, u tregove shqiptarëve se ku qëndron forca e pathyeshme e Sali Berishës.

Miq, përsa i përket moshës ju garantoj se ai ngjet jo me Gramozin, por me gjyshin e Gramoz Ruçit. Ndaj edhe, nuk e di ti, se vjedh gjithë ditën, por forca e një burri matet me dashurinë dhe pasionin që ka ai për të ndihmuar shoqërinë, kombin, vendin e tij. Nuk jam kthyer unë për pushtet. Unë kam qenë në pushtet dhe kam lënë ato që ti kurrë nuk i shuan dot. Nuk jam kthyer unë për para, shqiptarët e panë se cili ishte vettingu i Sali Berishës.

Nuk jam kthyer unë për luks, pasi në moshën time kur kam ardhur në këtë stad të jetës, këtë respekt dhe dashuri që kam për vendin, dua t’ja kushtoj popullit shqiptar. Dua që së bashku me ta, ashtu siç përmbysën diktaturën, të ndërtojmë tani ‘Shqipërinë Madhështore’”, tha Berisha.

FJALA E BERISHËS:

Epërsia, forca jonë janë të pakrahasueshme me krahun tjetër.

Nuk kanë të krahasuar.
Ata janë peng të shpirtrave të tyre mëkatarë.
Ata janë peng të dosjeve të tyre.
Ju lutem, krahasoni pak këta deputetë me Lubitë, me Damianët, me Bushkat, me Dushkat, me radhë e me radhë.
A kanë të krahasuar? Nuk kanë asnjë krahasim.
Le të ndalemi diku tjetër.
A nuk menduan se na zhdukën nga faqja e dheut, por ja ku jemi sot më të fortë se kurrë.
Sepse ne jemi njerëz të besimit, tek besimi te vlerat, të besimit te liria, të besimit tek familja, të besimit tek Shqipëria, të besimit tek Zoti.
Njerëzit e besimit janë njerëz të pathyeshëm.
Njerëzit e besimit janë njerëzit e të pamundurave.
Ndaj miqtë e mi, 30 ditë kanë mbetur.
Le të harrojmë lodhjen, le të lëmë mënjanë gjumin, të lëmë mënjanë dëfrimin, të gjithë në fushatë nga mëngjesi gjer në darkë.
Kjo është rruga drejt fitores.
Rruga duke trokitur në çdo mendje dhe në zemër, duke takuar çdo të njohur dhe të panjohur, të bindur se Shqipëria Madhështore nuk është një program për pushtetin e Sali Berishës.
Është një projekt për çdo shqiptar, për çdo atdhetar, është nj projekt për çdo njeri që i thotë lirisë, liri dhe dinjitetit dinjitet.
Çfarë kërkojmë ne?
Po kërkojmë që Shqipërinë ta bëjmë të jetueshme.
Po kërkojmë që Shqipëria të krenohet me prodhimet e saj.
Po kërkojmë që të rinjtë e saj të ndërtojnë ëndrrën në Shqipëri dhe jo të ëndërrojnë të ikin nga Shqipëria.
Ndaj dhe le të bëjmë këtë muaj, muajin e përpjekjes të jetës sonë.
Muajin e vendimeve më të rëndësishme të jetës sonë.
Muajin për t’u dhënë Shqipërisë dhe shqiptarëve fitoren.
Me 12 maj të mblidhemi në këtë shesh të festojmë së bashku për Shqipërinë Madhështore, për Shqipërinë që meritojmë.
11 maji është dita e votës së lirë.
Të dashur miq, sirenat e votës së lirë të shqiptarëve po bien në të gjithë Europën.
Një javë në mbarë Europën u gozhdua Edi Rama, u gozhdua narkoshteti.
Zotimi solemn se shqiptarët do votojnë të lirë.
Dhe unë i them Edi Ramës, mos prek votën se në mënyrë absolute mbi tokë vend nuk do kesh.
Jo!
Largohu me votë se i ke bërë të këqija të mëdha këtij vendi dhe këtij kombi.
Po ikën me turp si e keqja më e madh pas Enver Hoxhës në historinë e shqiptarëve.
Ndaj dhe i përshëndes të gjithë ata socialistë që kanë vendosur të bashkohen me ne.
I përshëndes të gjithë shqiptarët që së bashku Shqipërinë e dhimbjes, ta shndërrojmë në Shqipëri normale, Shqipërinë e qetë, Shqipërinë e gëzimit.
Shqipërinë e dhunës dhe terrorit politik në Shqipërinë e lirive politike.
Shqipërinë e zhgënjimit dhe dëshpërimit në Shqipërinë e shpresës dhe besimit. Në Shqipërinë e të ardhmes.
Rrofshi ju, rroftë PD.
Rroftë Shqipëria.
Fitore, fitore, fitore!