Bia Khalifa e thotë troç: Bëra s*ks në Big Brother VIP Kosova

Pas largimit nga shtëpia e Big Brother VIP Kosova, Bia Khalifa ka zgjedhur të mos i shmanget aspak temave që kanë ngjallur më shumë kureshtje te publiku. Ajo ka bërë deklarata të drejtpërdrejta për raportet e krijuara gjatë eksperiencës së saj në reality show, duke hedhur dritë sidomos mbi afrimin me Edin.

Gjatë bisedës me moderatorët e emisionit të mëngjesit “Ora 7”, ata e pyetën hapur nëse marrëdhënia mes saj dhe Edit kishte kaluar përtej afërsisë emocionale, në marrëdhënie intime. Pa hezitim dhe me një qasje të çlirët, Bia e konfirmoi, duke u shprehur shkurt e qartë: “Kjo dihet, po”. Një përgjigje e thjeshtë, por e mjaftueshme për të ndezur menjëherë rrjetin.

Afrimiteti i dyshes kishte qenë i dukshëm edhe gjatë qëndrimit në shtëpi. Sjellja e tyre, momentet intime dhe komunikimi i vazhdueshëm kishin bërë që publiku të aludonte prej kohësh për një raport më të thellë mes tyre, megjithatë asnjëherë nuk ishte konfirmuar publikisht deri pas eliminimit të Bia-s.

Deklarata e saj ka shkaktuar reagime të shumta, me komente të ndara mes atyre që e shohin situatën si pjesë të natyrshme të izolimit dhe lojës, dhe të tjerëve që besojnë se mes tyre ka pasur një lidhje reale.

Tashmë që dritat e shtëpisë janë fikur për të, mbetet e paqartë nëse raporti mes Bia Khalifës dhe Edit do të vazhdojë edhe jashtë kamerave, apo do të mbetet thjesht një episod i bujshëm i Big Brother VIP Kosova.