Binaj dhe Manastirliu anashkalojnë njëri-tjetrin në tapetin e kuQ

Ajo që nuk e solli fushata, ndodhi në premierën e filmit “Kazerma”. Florian Binaj dhe Ogerta Manastirliu, dy rivalët që nisën garën për Bashkinë e Tiranës para se procesi të ndërpritej, u gjendën përballë njëri-tjetrit në një mbrëmje mondane por pa asnjë përshëndetje

Binaj, i cili shpalli kandidaturën si i pavarur, u pa të përshëndeste ish-ministren Elva Margariti sapo mbërriti. Ndërsa Manastirliu, e propozuara e PS për bashkinë, zgjodhi të “strehohej” pas telefonit duke shmangur çdo kontakt me aktorin.

Edhe pse gara u ndërpre, duket se tensionet e fushatës mbeten të freskëta dhe tapeti i kuq i “Kazermës” u kthye për pak minuta në një skenë të heshtur politike.