Buxheti i shëndetësisë shqiptare për 2025, me ulje në raport me shpenzimet totale

Sipas një raporti të fundit, buxheti i shëndetësisë për vitin 2025 do të vuajë një ulje në raport me shpenzimet totale, pavarësisht nevojave të rritura për shërbime shëndetësore për shkak të plakjes së popullsisë dhe rritjes së barrës së sëmundjeve.

Të dhënat nga Ministria e Financave tregojnë se shpenzimet buxhetore për vitin 2025 janë planifikuar të arrijnë në 822 miliardë lekë (rreth 8.2 miliardë euro), me një buxhet për Ministrinë e Shëndetësisë prej 80.7 miliardë lekësh, që përbën vetëm 9.8% të shpenzimeve totale. Kjo shifër është një rënie e lehtë në krahasim me vitin 2024, kur buxheti për shëndetësinë ishte 10.1% të shpenzimeve të përgjithshme.

Përkundrazi, shpenzimet totale nga buxheti parashikohen të rriten me 6.7%, ndërsa shpenzimet për shëndetësinë pritet të rriten me 3.6%. Ndërkohë, disa sektorë të tjerë, si ai i Infrastrukturës, do të kenë rritje shumë më të lartë të shpenzimeve.

Aktualisht, pavijonet spitalore po përballen me ngarkesë të madhe për trajtimin e simptomave të lehta të gripit, ndërsa shumë pacientë me sëmundje autoimune dhe neoplazma detyrohen të kërkojnë trajtim jashtë vendit për shkak të mungesës së medikamenteve dhe pajisjeve diagnostikuese në sistemin publik të shëndetësisë.

Mungesa e rimbursimit për diagnozat e sëmundjeve të rralla dhe terapia inovative ka bërë që shumë pacientë të mos kenë akses në trajtime të nevojshme, duke ecur në kurriz të shëndetit publik. Sipas raportit, miliona euro lihen jashtë vendit për trajtime, duke shkaktuar një ngarkesë të madhe për ekonominë dhe shëndetin e popullsisë.

Institucionet shëndetësore vazhdojnë të përballen me sfida të mëdha dhe nevojat për investime efikase në sistemin shëndetësor mbeten të paplotësuara.

Më shumë nga Lajme

Zëri yt bëhet lajm.