Cakaj flet si ministër i Jashtëm dhe u përgjigjet kritikëve: Mosha ime e re u është dukur faj

Përditësuar më 23 Janar 2019, 14:39

Kryeministri Edi Rama njoftoi sot se ai nuk do të jetë ministër i Jashtëm, por të gjitha kompetencat ia delegon Gent Cakajt.

Ministri i ri i Jashtëm, ka mbajtur ku ka folur për sfidat që e presin dhe u është përgjigjur kritikave që ka marrë kohët e fundit, që kur emri i i tij u propozua nga Rama për të mbajtur postin e kreut të diplomacisë.

“Pas kalimit të valës së parë zjarrit të pakursyer për mua ndjehem disi më i lehtësuar, kjo mbi të gjitha për një shkak tepër të fortë sepse të qenit drejtues me kompetenca të deleguara nën vëzhgimin e tij të afërt është një start i garantuar në dritën e zjarrit të akuzave të pabaza dhe paragjykimeve pa faj”, ishte kjo nisja e fjalës së Cakajt.

Më tej Cakaj tha: Delegim i kompetencave tek një zv/ministër 28-vjeçar si unë, këto ditë dhe mosha e re u është dukur faj dhe jo burim energjie dhe kreativiteti.