Çështja Tahiri/ Artan Hoxha akuza Prokurorisë: Po saboton qëllimisht hetimin

Gazetari i kronikës, Artan Hoxha, i ftuar në studion e emisionit “Opinion” të Blendi Fevziut, ka komentuar mbi lidhjet e ish-ministrit të Brendshëm Saimir Tahiri me Orest Sotën, dhe kapjen e këtij të fundit me 863 mijë euro dhe patentat e Tahirit.

Sipas Artan Hoxhës, “kapja e Orest Sotës, nuk ka qenë si shkak i një përgjimi”.

Po ashtu ai shprehet se Prokuroria po vepron keq dhe po saboton qëllimisht hetimin, duke ndihmuar kështu ish-ministrin e Brendshëm Saimir Tahiri.

“Me këtë mënyrë që po vepron prokurori, po e saboton qëllimisht hetimin. Në këtë mënyrë po vijojnë t’i bëjnë nder Saimir Tahirit.”, – u shpreh Hoxha, ndërsa shtoi se, “Ngjarjet janë qepur keq”.

Më tej ai u shpreh se, “Në bazë të ligjit Tahiri duhet të ishte në burg, me këtë ligj kanë shkuar në burg disa kryepleq”.