Coronavirusi/ Shkon në 15 numri i të prekurve në Shqipëri

Ka shkuar në 15 numri i të prekurve me koronavirus në Shqipëri. Lajmi është bërë me dije nga ministrja e Shëndetësisë Ogerta Manastirliu.

“Janë 238 raste të testuara dhe 15 raste pozitive. Sot kemi testuar 84 raste. Janë 34 raste, ku 31 prej tyre kanë dalë negative dhe vetëm tre pozitive”, tha ministrja.

Po ashtu ministrja ka bërë me dije se kanë dalë rezultatet e stafit mjekësor në Durrës të cilët patën kontakt me 73-vjeçaren që humbi jetën nga koronavirusi.

Manastirliu theksoi se janë kryer 50 teste dhe kanë rezultuar negativë me virusin e ri. Janë 238 raste të testuara dhe 15 raste që rezultuan pozitive. Sot kemi testuar 84 raste ndër të cilët 50 personel mjeksor që kanë rezultuar negative dhe janë 34 raste dhe vetëm 3 ka rezultuar pozitiv janë të gjithë raste që kanë pasur kontakt me pacientin zero me kontaktet e para dhe të dyta.”, tha Manastirliu.