Denisa Dibra 26-vjeçarja e cila drejtonte makinën Volksëagen përfshirë në aksidentin e rëndë me 2 viktima në tunelin e Elbasanit është vajza e gazetarit të RTSH-së.
Denisa është vajza e Edmond Dibrës, komentatorit të njohur sportiv dhe po lufton me vdekjen në spitalin e Traumës në Tiranë.
Ajo, bashkë me mikëshën e saj, Nervida Garunjarup dhe i janë 
nënshtruar terapisë intensive, teksa gjendja paraqitet tejet delikate.
Denisa ditën e djeshme festonte dhe ditëlindjen teksa disa ditë më parë kurorëzoi edhe historinë e saj të dashurisë me fejesë.
Pikërisht për të festuar ditëlindjen, vajzat kishin shkuar në Korçë por u përplasën nga një shofer i dehur në makinë.
MË SHUMË NGA AKSIDENTI ME 2 VIKTIMA:
Mësohet se viktimat ishin ulur në pjesën e pasme të makinës “Volkswagen”, që u përplas nga një “Benz” me shpejtësi të madhe. Ato janë Lusinda Garunja dhe Xheneta Qallia nga Shkodra.
Ndërsa makina është në pronësi të 26-vjeçares Denisa Dibra, e cila së bashku me Nervida Garunjan kanë pësuar dëmtime të shumta, dhe aktualisht janë nën kujdesin e mjekëve.
Vajzat ishin duke udhëtuar në drejtim të Elbasanit, kur makina e tyre u përplas nga pas nga një “Benz” që drejtohej nga 55-vjeçari Behar Pema. Ky i fundit po udhëtonte me shpejtësi tepër të madhe dhe dyshohet se ishte i dehur.
(Denisa Dibra dhe gazetari Edmond Dibra)
