Denoncimi i Bardhit : Gjysma e punonjësve të policisë pa numër identifikimi, shkelet ligji

Kryetari i Grupit Parlamentar të PD-së, Gazment Bardhi, bëri një denoncim të fortë nga Sheshi Wilson, ku po proteston me qytetarët.

Bardhi tha për mediat se gjysma e punonjësve të policisë janë pa numër identifikimi.

Ai deklaroi se ligji nuk e lejon që protestuesit pa numër identifikimi të jenë prezentë në protestë.

“Gjysma e punonjësve të policisë janë pa numër identifikimi. Mund të jenë të dërguar të bandave. Çdo punonjës policie që është pa identifikim të largohet. Mund të jetë i dërguar i bandës së Elbasanit, i dërguar i bandës së Shkodrës, i dërguar i bandës së Durrësit. Largo çdo punonjës që nuk ka numër identifikimi. Me ligj nuk lejohet asnjë punonjës policie pa emër apo pa numër identifikimi. Pjesa e të rinjve që janë mbrapa janë pa numër identifikimi. Janë ushtarë të bandave që këta i kanë veshur me uniformë policie”, theksoi Bardhi.