Plarent Ndreca nuk po deklaron as studimet e universitare djalit prej 2 vitesh në Kopenhangen të Danimarkës dhe burimin e pagesave të shkollimit e jetesës së tij atje…
Gjatë 11 viteve zyrtar i lartë në qeverinë “Rilindja”, Plarent Ndreca ka deklaruar pasuritë kur ishte Sekretar i Përgjithshëm në Ministrinë e Arsimit, në Ministrinë e Brendshme, në Ministrinë e Mjedis-Turizmit dhe 4 muaj më parë kur u mandatua deputet.
Por përveç milionave ilegale që ka vjedhur nga tenderët, deputeti Plarent Ndreca nuk po deklaron prej 8 vitesh, një biznes monopol të emërtuar “Domus Nostra Sh.p.k”, me aktivitet administrimin e pallateve në Tiranë dhe shite-blerje të apartamenteve e çdo pasurie të paluajtshme, ku ai ka 49% të kapitalit dhe 51% biznesmeni Ylli Sula. 
Për shit-blerjen e pasurive, deputeti Plarent Ndreca vazhdon të luaj rolin e sekserit me ndërtuesit dhe tregtarët e tokave e trojeve, sipas variantit “Kap çfarë të kapësh”, duke përdorur dhe gruan përmbaruese Suela Ndreca, për grabitje me dhunë policore e letra false.
Ndërsa biznesin e administrimit kolektiv të pallateve, deputeti Plarent Ndreca e ka të strukturuar, stabël e të konsoliduar, nëpërmjet përdorimit të fuqisë së Bashkisë Tiranë, ku ka qenë anëtar i Këshillit Bashkiak deri më 15 janar kur u bë deputet i PS.
Objekti i deklaruar i biznesit është ky: Administrimi i pasurive dhe ofrimi i shërbimeve për administratorët e objekteve të banimit në bashkëpronësi, nëpërmjet kontratave të lidhura me ta.
Caktimi i administratorëve, është bërë me vendim të Bashkisë-Tiranë në muajin shkurt 2016, ndërsa kompania “Domus Nostra Sh.p.k” e deputetit Plarent Ndreca është krijuar 1 muaj më pas, më 6 mars 2016, kohë kur lidhja e kontratave me administratorët e pallateve, është bërë me diktat e presion nga Drejtoria e Përgjithshme Bashkiake e Administrimit të Pallateve në Tiranë.
Është qesharake kur e dëgjon, por është vjedhje banditeske, fakti që me urdhër të paligjshëm të Bashkisë nga një drejtor tip “5D”, administratorët e pallateve detyrohen të paguajnë një kuotë financiare mujore, dorazi te Plarent Ndreca dhe ortaku i tij Ylli Sula i gazetës “Çelësi”, për gjoja administrimin e veprimtarisë së administratorëve.
Duke përdorur vendimin e Këshillit Bashkiak të Tiranës, deputeti Plarent Ndreca ka caktuar 1 ndërlidhës për çdo 25 administratorë pallatesh; që faktikisht është taksidari që mbledh kuotën financiare nga administratorët, kur sipas vendimit të Këshillit Bashkiak-Tiranë, këto duhet të jenë punonjës të bashkisë dhe tarifa duhet arkëtuar në bashki.
Por ata e arkëtojnë te xhepi i deputetit Plerent Ndreca dhe ortaku tij, ndërsa ata administratorë pallatesh, që refuzojnë të lidhin kontratë me firmën e tij private “Domus Nostra Sh.p.k” ose nuk japin detyrimin në kohë, u hiqet licenca dhe u vendoset gjobë nga Policia Bashkiake e Tiranës.
Aktualisht, deputeti Plarent Ndreca, administron, d.m.th, zhvat administratorët e 2500 pallateve në Tiranë, dhe me fuqinë si anëtar i këshillit bashkiak, si deputet dhe si tellall i Bablokut nëpër televizione, ka nisur lëvizjen për të marrë nën kontroll e gjithë pallatet e Tiranës.
Sipas regjistrit të QKB dhe informacionit të ardhur në “Pamfleti” nga tatimet, kompania monopol “Domus Nostra Sh.p.k” e deputetit Plarent Ndreca, nuk ka as ekstrat dhe as bilance gjatë 8 viteve aktivitet, paçka se ka zhvatur mijëra euro.
Por përveç këtij biznesi, Plarent Ndreca, në shkelje të ligjit për të cilin bënë moral, nuk po dekaron as studimet e universitare djalit prej 2 vitesh në Kopenhangen të Danimarkës dhe burimin e pagesave të shkollimit e jetesës së tij atje./Pamfleti
