Derbi Partizani–Tirana ‘paralizon’ kryeqytetin, ja rrugët që do bllokohen pas pak

Policia e Tiranës ka marrë masa të posaçme për të garantuar sigurinë dhe mbarëvajtjen e derbit mes Partizanit dhe KF Tiranës, që zhvillohet sot në orën 18:30 në stadiumin “Arena Kombëtare”.

Për shkak të ndeshjes, do të ketë kufizime të qarkullimit rrugor në disa segmente të kryeqytetit. Masat synojnë të shmangin incidentet dhe të lehtësojnë lëvizjen e tifozëve drejt stadiumit.

Sipas njoftimit të policisë, bllokimet do të nisin në orën 16:00 dhe do të vijojnë deri në përfundim të aktivitetit sportiv.

Segmentet rrugore që do të bllokohen:

• Sheshi “Nënë Tereza”
• Rruga “Lekë Dukagjini”

Policia u kërkon qytetarëve të marrin parasysh kufizimet gjatë planifikimit të lëvizjeve të tyre dhe të ndjekin udhëzimet e shërbimeve në terren.