Detajet, aksidenti tragjik në Durrës, vdes vjehrra dhe nusja, 8 vjeçari në spital

Gjatë ditës së sotme një aksident tragjik tronditi Durrësin. Sipas policisë drejtuesja e mjetit ka humbur kontrollin e mjetit duke goditur këmbësorët që po prisnin në stacion. Mësohet se nga aksidenti tragjik kanë mbetur të vdekur 2 shtetas një grua 69 vjeçe dhe një 34 vjeçare. Ndërkohë policia zbulon se një fëmijë 8 vjeçar ka mbetur i plagosur si pasojë e aksidentit.

“Me datë 24.02.2018 rreth orës 07:40, tek Mali i Robit në afërsi të Kavajës, ka ndodhur një aksident me pasojë vdekjen. Mjeti tip “Toyota” me drejtuese I. P., 30 vjeçe, ka aksidentuar me pasojë vdekjen 2 shtetas (vjehri dhe nusja) shtetasit Xh. F., 69 vjeç dhe E. F., 34 vjeçe. Gjithashtu është lënduar edhe fëmija i mitur XH. F, 8 vjeç, i cili u transportua në spitalin e Durrësit, dhe ndodhet nën kujdesin e mjekëve . Paraprakisht dyshohet se shkak i aksidentit ka qenë humbja e kontrollit gjatë drejtimit të mjetit. Grupi hetimor po kryen veprimet për zbardhjen e plotë të aksidentit, ndërsa drejtuesja e mjetit është shoqëruar në Komisariat për veprime të mëtejshme”, shkruan policia.