Dijonis Biba arrestohet për bastin 10 mijë euro? Zbardhet e vërteta

Pas publikimit të një bilete basti me vlerë 10 mijë euro për ndeshjen Serbi–Shqipëri, në rrjetet sociale nisën të qarkullonin lajme se Dijonis Biba ishte arrestuar në lidhje me këtë rast. Por vetë ai ka reaguar menjëherë në rrjetet sociale, duke mohuar çdo lidhje me bastin dhe duke hedhur poshtë lajmet për arrestimin e tij.

Në një postim në InstaStory, Biba shkroi:

“Në asnjë moment nuk kam thënë që e kam vendosur unë. Pse hapni panik kot?”

Në një reagim të dytë, ai iu drejtua portaleve me një ton më ironik:

“O portale, si kalut, a jeni mirë? A ka mundësi mos me hap panik kot e më kot, se s’jam arrestu hiq. Sa i përket biletës, unë kom thonë ‘kush e ka vu këtë biletë’, nuk kom thonë që e kam vendos unë. Mos i keqinterpretoni gjanat kot.”

Me këtë sqarim publik, Biba ka bërë të ditur se nuk ka asnjë lidhje me bastin e publikuar dhe se lajmet për arrestimin e tij janë tërësisht të pavërteta.