Drejtoi automjetin pa patentë, Gjykata merr këtë vendim për Piquen

Gerrard Pique është dënuar me gjobë prej 48.000 euro për drejtimin e automjetit pasi kishte humbur pikët e patentës.

Mbrojtësi i Barcelonës më parë kishte humbur pikët e patentës dhe nuk kishte të drejtë të drejtonte automjetin.

Më 31 gusht mbrojtësi i Barcelonës është ndaluar nga policia dhe është dërguar në gjykatë, ku sot ka marrë këtë vendim.

Gjyqtari e konsideron atë autor të një vepre penale kundër sigurisë rrugore “për shkak të humbjes së vlefshmërisë së patentës”.

Pique nuk ka folur për këtë rast por detyrohet të paguajë gjobën e majme me vlerë 48 mijë euro që do të derdhen në arkat e shtetit spanjoll.