Dyshohet se i preu fytin mamasë dhe e la të vdekur, djali i saj bën deklaratën shokuese: “Atë natë isha…”

Djali i Violeta Gurrajt, Franc Gurraj, ka dhënë dëshminë pasi dyshohet se vrau të ëmën e tij në shtëpinë e saj në fshatin Bajzë të Malësisë së Madhe. Ndonëse policia dyshon se ai është autori i vrasjes së të ëmës, 24 vjeçari e ka mohuar këtë gjë.

Ai është shprehur se më 4 shkurt sapo kishte dalë nga paraburgimi i burgut të Tiranës. Prej një muaji ai ndodhej në burg pasi dyshohej për lëndë narkotike.

Kur doli nga paraburgimi, atë natë 24 vjeçari qëndroi në Tiranë. Më pas, policia e shoqëroi më 5 shkurt në shtëpinë e gjyshërve nga ana e babait në Bajzë.

Edhe pse ishte në arrest shtëpie, 24 vjeçari kishte marrë leje nga policia dhe kështu ai hapi me forcë derën e shtëpisë së mamasë së tij. I riu ka thënë se e ëma nuk kujdesej dot për ta sepse kishte pasur probleme të shëndetit mendor.

Për këtë shkak, tre fëmijët jetonin me familjarët nga ana e babait. Bashkëshorti i Violeta Gurrajt u vra aksidentalisht vite më parë dhe fëmijët nuk jetonin me viktimën.

Franc Gurraj është një nga të dyshuarit kryesorë, por policia nuk ka lëshuar asnjë urdhër arrest për të.