Një ndeshje miqësore në Sarandë, është kthyer në tragjike, teksa ka ndërruar jetë ish-potierit, Fredi Mërkuri, në moshën 62-vjeçare.
Klubi i Butrintit kishte organizuar një ndeshje miqësore mes lojtarëve të viteve 80-90 dhe një grupi ish-futbollistësh grekë të qytetit të Athinës.
Ndërkohë që po zhvillohej ndeshja, ish-portieri, Fredi Mërkuri, pësoi kolaps dhe u rrezua në fushë. Menjëherë pas kësaj, ai u transportua me urgjencë në spitalin e qytetit të Sarandës.
Megjithatë, Fredi Mërkuri, nuk ia ka dalë pas kësaj situate të përjetuar në fushën e lojës, duke u ndarë nga jeta në mënyrë tragjike.
