Edmond Ndou paraqitet në Prokurorinë e Posaçme: Ende nuk dihen arsyet

Edmond Ndou, kryetari i Këshillit të Qarkut të Shkodrës, është paraqitur paraditen e sotme në ambientet e Prokurorisë së Posaçme (SPAK). Ndou, i cili u zgjodh në këtë pozicion në fillim të shkurtit të këtij viti, duke zëvendësuar Marina Duhanin, është parë duke hyrë në ndërtesën e SPAK, por ende nuk janë bërë të ditura arsyet e kësaj paraqitjeje.

Ndou u zgjodh si kryetar i Këshillit të Qarkut të Shkodrës me 18 vota pro dhe vetëm një kundër, duke marrë një mbështetje të gjerë nga anëtarët e këshillit. Megjithatë, lajmi për praninë e tij në SPAK ngre pyetje për motivet pas kësaj lëvizjeje.

Ndërkohë, qytetarët dhe opinion publik presin me interes të mësojnë arsyet e paraqitjes së Ndou në Prokurorinë e Posaçme dhe nëse kjo ka lidhje me ndonjë çështje konkrete hetimi. Mbetet për t’u parë nëse SPAK do të japë ndonjë deklaratë zyrtare mbi këtë çështje në orët apo ditët në vijim.