Efektivi i policisë së Tiranës kapet me drogë në Stamboll!

Florenc Bicerri, efektiv i policisë rrugore në Tiranë është arrestuar nga policia turke në Stamboll pasi është kapur me një sasi lënde narkotike.

Sipas informacioneve , ai kishte marrë leje prej datës 5 Tetor në Komisariatin Rrugor të Tiranës dhe kishte udhëtuar nga Aeroporti i Rinasit drejt Turqisë bashkë me Kujtim Çelikun.

Edhe ky i fundit është vënë në pranga bashkë me efektivin e policisë, pasi gjatë kontrolleve, autoritetet turke i kanë gjetur një sasi të konsiderueshme të lëndëve narkotike.