Elbasan / Basha takim me të rinjtë: Merren me mua pse u kthye, si u kthye, çfarë ka veshur, si është qethur, por jo me debatin.

Nje detaj i vënë re nga rikthimi i Lulzim Bashës, kryetarit të dorëhequr të PD-së që ka vulën  është bluza ngjyrë kaki.

Në shumicën e takimeve të tij me të rinjtë, Basha na shfaqet me bluzën kaki, duke kopjuar kështu presidentin e Ukrainës, Volodymyr Zelensky.

Edhe në takimin e sotëm në Elbasan, Luli ka veshur sërish bluzën ngjyrë kaki, për të cilën është kritikuar dhe ironizuar nga një sërë eksponentësh politikë.

Por duke u munduar të heqë vëmendjen nga gjestet e tij për të ndryshuar imazhin e humbësit serial, Basha u ankua për kritikat.

Ai tha se kritikat për bluzën dhe modelin e flokëve të tij janë shenjë e keqe.

“Deri më sot, këto dy javë që kam nisur këtë diskutim, këtë debat, ndoshta e keni parë që janë munduar ta fshehin, ta fusin nën rrogoz. Keni oparë që janë marrë me aspekte të ndryshme të këtij debati, u kthye, pse u kthye, si u kthye, çfarë ka veshur, si është qethur, por jo me debatin. I shqetëson debati, i shqetëson substanca e debatit. Dhe kjo nuk është shenjë e mirë në vlerëimin tim, nuk është shenjë reflektimi”, theksoim Basha.