Elbasan/Qëlloi të riun nga makina, identifikohet autori i sulmit

Është identifikuar autori që qëlloi mbrëmjen e sotme me pistoletë në lagjen Fushë-Mbret në Elbasan.

Burime nga policia bëjnë me dije se 34-vjeçari me iniciale A.S., i ka dalë përpara një personi me makinë dhe ka qëlluar me armë zjarri.

Sulmi ka ndodhur për motive të dobëta, ndërkohë që drejtuesi i mjetit nuk raportohet të ketë marrë lëndime.

Policia ka shpallur në kërkim 34 vjeçarin A.S.

Njoftimi i policisë:

Shërbimet e Policisë lokale identifikuan brenda një kohe rekord autorin e dyshuar që qëlloi me armë zjarri në ajër tek vendi i njohur si te ‘Shinat e trenit’.

Agjentët e kanë shpallur në kërkim dhe forca të shumta janë vënë në ndjekje të autorit A.S, 34 vjeç, nga Elbasani.

Ai i doli përpara me armë në dorë një shtetasi që levizte me makinë, me cilin pati një konflikt të momentit.

Nga 2 të shtënat në ajër nuk ka dëmtime në njerëz apo dëme materiale.