EMRI/ Kush është i dyshuari për vrasjen e biznesmenit Edmond Mehalla

Policia e Elbasanit ka shoqëruar Naldo Gjinin, banues në Lezhë, i dyshuar si personi i përfshirë në vrasjen e biznesmenit 43-vjeçar Mondi Mëhalla, ngjarje e ndodhur mbrëmjen e djeshme në Elbasan.

Burime nga hetimet bëjnë me dije se Gjini ka përdorur ditët e fundit automjetin tip “Audi” që dyshohet se u përdor gjatë ekzekutimit të Mëhallës. Mjeti u gjet i djegur në zonën e Mirakës në Librazhd, pa armë zjarri në brendësi.

Gjini është kapur nga kamerat e sigurisë në Rrugën e Kombit në momentin kur paguante te trau i autostradës, duke lëvizur me të njëjtin automjet të përdorur në krim.

Ndërkohë, policia ka nisur kontrollin në banesën e tij në Lezhë, ndërsa hetimet po vijojnë për të zbardhur rolin dhe përfshirjen e tij të mundshme në ngjarje.