Era favorizon zjarrin në Peshtan/ Ndërhyhet sërish nga ajri

Peshtani i Fierit prej disa ditësh po përballet me zjarre masive të cilat kanë pushtuar pjesët e pyllëzuara të zonës.

Sipas raportimeve një vatër e re zjarri është ndezur në zonën e Cakranit në pyllin me pisha në Peshtan.

Temperaturat e larta dhe era kanë favorizuar flakët duke bërë që të dalin jastë kontrollit dhe të përhapen drejt fshatit Kraps.

Duke parë situatën ektreme për të dytën herë radhazi helikopteri Cougar i Ministrisë së Mbrojtjes është angazhuar për të shuar flakët.

Deri më tani raportohet se sipërfaqja e djegur është 25 hektarë, e cila është zonë e pyllëzuar.

Një 28-vjeçar, banor i fshatit Peshtan është në pranga pasi dyshohet se ndezi zjarrin për të hapur kullota të reja por flakët dolën jashtë kontrollit duke shkaktuar dëme të mëdha në sipërfaqen pyjore