“Është një turp i madh”- Lulzim Basha takim me mësues e pedagogë në Korçë: Do nisim menjëherë rritjen e pagave dhe…

Kreu i Partisë Demokratike Lulzim Basha zhvilloi një takim me mësues dhe pedagogë të qytetit të Korçës.

Kryedemokrati u shpreh se është një turp i madh niveli i pagave të pedagogëve në universitetet publike, duke u angazhuar se kur PD të jetë në pushtet do t’i rrisë gjatë 4-vjeçarit të parë në qeverisje. 

“Është një turp i madh niveli i pagave të pedagogëve shqiptarë. Është një turp i pagëlltitshëm për këdo që çmon arsimin, për këdo që çmon dijen, për këdo që çmon intelektualët e vërtetë, shkencëtarët.  Dhe si dikush që ia dedikon një pjesë të madhe të suksesit personal arsimit, produkt i arsimimit në një universitet cilësor, dua t’ju garantoj se hapi i parë do të jetë që për universitetet publike do të nisim menjëherë me rritjen e pagave dhe vendosjen e pagës minimale. Rritje që do të vazhdojë për gjatë 4-vjeçarit dhe është e buxhetuar në planin tonë të punës, që në 25 prill kemi bindjen që do të kthehet në planin e qeverisjes së shqiptarëve”, tha Basha.