61-vjeçarja humbi jetën tre ditë më parë

Familjarët e 61-vjeçares, Fatjana Dajko, e cila u nda nga jeta tre ditë më parë, kanë hedhur akuza ndaj bluzave të bardha në spitalin rajonal të Fierit.

Ata shprehen se mjekët nuk i kanë dhënë nënës së tyre kujdesin e duhur.

E bija e 61 vjeçares, Klotina Topulli: E ka marrë mamin vëllai në 10 pa dhjetë e ka cuar në urgjrncën e spitalit,mami kishte shtërngim te gjoksi dhe dhimbje në mes të shpatullave.E kanë shpënë atje i kanë matur tensionin dhe oksigjenin.

I kanë bërë 1 qetsues dhe i kanë vënë një hapje nën gjuhë.

Qëndroi 10 min shtrirë dhe i thanë ngrihu se erdhi tjetri, ulu te stolat te korridori i urgjencës. U ul aty priti pak dhe i vajti tek dera doktoreshës i tha a do ma matni prap tensionin, ajo i tha ik se nuk ke asgjë ke ankth, stres.

Kur doli nga dera e spitalit ajo po ndihej më keq.Kur erdhi në shtëpi tha po ndihem akoma më keq prej ilaçeve,nuk ndihem mirë.

E pamë që u bë më keq rreth orës 19 e 30 kemi marrë ambulancën, e pamë që ambulanca po ashtu…morëm makinën tonë dhe e çuam.

Sa arritëm te dera e spitalit mamaja ka vdekur, ajo kishte hemorragji nga hundët, nga goja si mund të thonë ata që ka vdekur për shkaqe të panjohura, natyrale, kur ne e kemi paraqitur në 10 pa dhjetë në spital.

Duhet të marrë masat shteti, mos e pastë fatin asnjë siç e pati mamaja ime nga doktorët.

Nuk vuante nga asgjë, ishte 61 vjeç, mbushi atë ditë që vdiq.

Në spital nuk i bënë asgjë, kur kam hyrë në 19:30 në spital që mamaja ime sa hyri te dera e spitalit ishte e vdekur ata kanë marrë EKG-në t’ia bënin.

Kam bërtitur me të madhe të hapin kamerat, të shikohen.

Ku u gjet EKG-tani pse nuk ju bë kur ishte e gjallë.

Nuk i kanë bërë asgjë, e bënë më keq.