FOTO/ Dhunohet fizikisht punonjësi i bashkisë në Patos: Më kërkuan të shkruaj 10 votues të sigurtë

Përditësuar më 25 Prill 2023, 18:19

Një ngjarje e rëndë ka ndodhur në Patos, ku punonjës i bashkisë Bato Dalipaj është dhunuar nga përgjegjësi i ndërmarrjes Petrit Pëllumbi, pasi ky i fundit i ka kërkuar në nënshkruaj një formular me vota të sigurta për kryetaren socialiste të bashkisë.

Punonjësi Dalipaj deklaron se është mbështetës i kandadates Sofije Alushaj dhe se përgjegjësi i bashkisë Petrit Pëllumbi i ka kërkuar të shkruaj 10 votues të sigurtë.

Në momentin që punonjësi nuk ka pranuar të nënshkruaj formularin, atëherë Petrit Pëllumbi e ka goditur disa herë me grushte, duke i shkaktuar dëmtime të rënda në kokë dhe në fytyrë.

Dalipaj: Punoj 4 orarësh në komunale prej 10 muajsh. Petrit Pëllumbi në zyrë përgjegjës më kërkoi të shkruaja pjestarët e familjes në një formular. Unë nuk e firmosa pasi nuk jam 8 orarësh në punë. Ti s’më ke futur 8 orarsh, s’të fus më tha. 

Erdhi nga pas më kapi nga supi dhe më goditi me 3 a 4 grushta dhe i gjakosur rash përtokë.

Më çuan në spital drejtori i ndërmarjës Artjoli s’bëra denoncim i thashë rash, gabimi im. Shkova në shtëpi tani u enjta dhe vendosa të bëj denoncim në polici.

Kujtojmë se ditën e sotme kryeministri Edi Rama zhvilloi një takim elektoral me mbështetësit në Patos ku prezantoi dhe kryebashkiaken socialiste.

Punonjësi i komunales në Bashkinë Patos, është dhunuar barbarisht nga drejtori i tij. Bato Dalipaj ka denoncuar Petrit Pëllumbin, pasi sipas tij ai e ka dhunuar për mosplotësimin e një formulari. Punonjësi thotë se në formular ishte shënuar dhënia e 10 votave të sigurta nga pjestarët e familjes dhe të afërmit për Partinë Socialistë në zgjedhjet e 14 majit.

Mirëpo, Dalipaj nuk ka pranuar ta plotësojë këtë formular dhe tregon se pas kësaj është dhunuar. Ai ka bërë edhe denoncimin në polici dhe blutë e qytetit kanë dalë me një njoftim.

Punonjësi i bashkisë deklaron se Petrit Pëllumbi e ka ndjekur, e ka goditur dhe shtrirë përtokë me grushta e shkelma.

Njoftimi i policisë: 

Rreth orës 16:10, shtetasi B. D., 55 vjeç (punonjës i ndërmarrjes së komunales, bashkia Patos), është paraqitur në Komisariatin e Policisë Fier, për të bërë kallëzim, duke pretenduar se në ambientet e punës, eprori i tij, shtetasi P. P. ka ushtruar dhunë fizike ndaj tij, për shkak nuk ka pranuar të plotësojë një formular.

Specialistët për Hetimin e Krimeve të Komisariatit të Policisë Fier kanë njoftuar menjëherë Prokurorinë pranë Gjykatës së Rrethit Gjyqësor Fier, dhe në prani të oficerëve të Policisë Gjyqësore, shtetasit B. D. po i merret dëshmia në lidhje me rrethanat e ngjarjes, si dhe po kryhen të gjitha veprimet procedurale.

Ndërkohë, vijojnë veprimet hetimore për sqarimin e plotë të rrethanave të këtij rasti. Në përfundim të veprimeve procedurale, materialet hetimore do t’i referohen Prokurorisë pranë Gjykatës së Rrethit Gjyqësor Fier.